معلومات مهمة

واللة انا عندى فكرة كويسة بس انا مش هقدر انفذها لوحدى ومحتاج مساعدة اخوانى المشاركين فى المنتدى وطبعا كباتنا الكبار مشرفين المنتدى عشان الفكرة تنجح ان شاء اللة

الفكرة بتقوم على ان كل واحد شايف ان تجربتة مع كمال الاجسام تجربة ناجحة يتفضل يحكيلنا عليهاعشان كل واحد يقارن تجربتة بتجارب غيرة ويعرف اية نقاط القوة والضعف فى نظامة

بس عشان الموضوع يكون منظم شوية هنقول على شوية بيانات لازم نقولها عشان تبقى الصورة متكاملة من كل الجهات. والبيانات المطلوبه هى :_

1- السن عند بداية ممارسة اللعبة و دلوقتى
2- الوزن و الطول قبل ما تلعب ودلوقتى
3- جداول التمارين اللى استعملتها بتسلسلها
4- الانظمة الغذائية اللى مشيت عليها بتسلسلها
5- المكملات والمنشطات
6- الاخطاء اللى شايف انك وقعت فيها واثرت عليك سلبيا
7- اهم نصيحة توجهها لزملائك لاعبى كمال الاجسام

وطبعا اللى عندة اى بيانات اضافية يحب يقولها مفيش مشكلة ولو يقدر يحط صورة قبل ممارسة اللعبة وصورة بعد ممارسة اللعبة يبقى مية مية

- ملحوظة :- طبعا الهدف من الموضوع دة ان كل واحد يتعرف على مميزات وعيوب التجربة بتاعتة واية احسن حاجة عملها واية الاخطاء اللى مكنش لازم يعملها وعشان كدة لازم كل واحد يكلمنا عن تجربتة يقول اللى حصل بالظبط ويكتب البيانات المطلوبة بصدق وبدون مبالغة اوتحريف والحكاية دى مفيش رقيب عليها غير ربنا

-انا عارف ان الموضوع صعب شوية عشان البيانات المطلوبة كتير ولازم تكون دقيقة بس انا بطلب المساعدة من كباتنا الكبار مشرفين المنتدى واتمنى تكون تجاربهم اول حاجة تتكتب عشان ان شاء اللة لو الموضوع دة تم هيكون موضوع جامد جدا وهيفيد ناس كتير ان شاء اللة

جازاكم اللة خيرا [right]